No ano 2012 Carlos Montero materializa un dos seus sonos máis cobizados, crear e comercializar unha marca de xeados
Da contracción de Montero e Carlos nace MOCCA. Xeados artesáns, de calidade, feitos con agarimo e auténtica paixón, onde o produto ben feito prima sobre calquera outra cousa.
A formulación da identidade pasa por darlle protagonismo ao propio nome, xa que a priori é a persoa que hai detrás quen conforma a empresa e quen da a cara polo produto.
Deseñamos o logotipo cun xogo tipográfico usando a doble C como nexo de unión entre nome e apelido, con diferentes variantes para as aplicacións: composición vertical, horizontal e abreviado. Acompañando ao logotipo contémplase a posibilidade de incluir unha lenda ou parte descriptiva, neste caso “helados”, e noutras aplicacións, “helados artesanos, helados artesanos de Lugo…”
Debido a diversidade de aplicacións e sabores que ten o proxecto, contamos con varias cores corporativas, así como unha forma baseada nos conos dos xeados e materializado nun triángulo que serve como vínculo e permite facer unha marca escalable, flexible, e consistente.
Este proxecto medra día a día, por iso a gráfica aplicada non está pechada e segue medrando paralelamente ás necesidades do mesmo.
