V Premio de Arquitectura Enor
- Estudio
- Desescribir
- Cliente
- Grupo Ascensores Enor
- Ano
- 2010
Seguindo coa identidade desenvolvida para os Premios Enor na anterior edición, papel de cor e figuras xeométricas, para esta nova edición quixemos experimentar con outra calidade do papel: a transparencia.
Nun A4 pregado en cruz, construímos un crebacabezas con manchas de cor e tipografía, aproveitando a escasa opacidade do papel de 50 gramos no que se imprime. Así, o políptico pechado, cun pouquiño de luz, revela a figura protagonista destes premios, o pentágono; mentres que aberto se converte nunha paisaxe de cores e nun espazo onde perder a mirada.
O cartel está impreso por ambas as dúas caras. Aproveitando de novo a transparencia, resultan dous carteis nun, iguais pero diferentes, un en castelán e outro en portugués. Imprímese toda a superficie do papel con manchas de cor que se alternan nos dous lados, agás no centro, onde se revela o pentágono.
Para aforrar pranchas de impresión e poder conseguir varias cores, tanto no cartel coma no políptico, utilizamos a técnica Iris dunha maneira artesanal, sempre coa complicidade de Gráficas Brial.