Feet - Foro de edición e tipografía, 2010
As diferentes estratexias e soportes utilizados hoxe en día no eido da edición servirán de base para a reflexión neste foro, que se desenvolverá entre os días 2, 3, 4, 16, 17 e 18 de decembro na Casa das Campás en Pontevedra.
Organizado pola Asociación Galega de Deseñadores, feet 2010 foro de edición e tipografía, pretende continuar coas reflexións, discusións e liñas de investigación abertas sobre este tema desde plataformas distintas como o Proxecto-Edición (realizado en Galicia entre 2006 e 2008), o Werkplaats Typografie (en Holanda), Rumbos de Edición (na Arxentina) ou a oficina do cego (en Portugal).
O obxectivo de todos estes eventos foi crear redes de traballo e investigación sobre publicacións que se estaban a desenvolver no campo da arte, do deseño e da tipografía. Con este mesmo ánimo encaramos este foro en Pontevedra, porque a edición é un tema de plena actualidade no que se están a producir cada vez máis novidades.
A información e os medios están cambiando continuamente. O que onte era ficción hoxe queda obsoleto, e os e-books son tan reais coma o papel, cunha potencialidade inmensa como arquivo.
Sen dúbida ningunha, convertéronse no medio de documentación por excelencia. Mais, no que respecta ao goce dos sentidos e ao pracer, resulta difícil competir coa simplicidade dunha folla de papel. Un soporte, que a pesar das enormes transformacións tecnolóxicas, non mudou tanto en relación coas producións de Gutenberg.
Neste momento, a edición –contra todas as previsións e agoiros pesimistas– está máis vixente ca nunca, e quizais nunca antes se lle prestou tanta atención a cada un dos elementos implicados no proceso: os contidos, a tipografía, os materiais, a forma, o tacto, o cheiro... Acaso somos máis conscientes da edición en papel?
Nós investimos horas, ilusións e esforzos en organizar este evento. O noso traballo está feito. Agora tócavos a todos vós aproveitar esta plataforma de reflexión e intercambio participando nela.
Enmárcase Feet no proxecto Creativa, programa cultural interdisciplinar levado a cabo conxuntamente pola Axencia Galega das Industrias Culturais e a Direccão Regional de Cultura do Norte co financiamento dos fondos FEDER da UE, e pertencente ao Programa Europeo de Cooperación Transfronteiriza España-Portugal.
Obras seleccionadas
![Manual de supervivencia para los días del gran desastre](https://dag.gal/assets/projects/feet-2010/media/pub-1.jpg)
Manual de supervivencia para los días del gran desastre
Clase Turista
Bos Aires
Libros
![Hatuchay](https://dag.gal/assets/projects/feet-2010/media/pub-2.jpg)
Hatuchay
Editorial VOX
A Arxentina
Libros
![La banda del 100 pies](https://dag.gal/assets/projects/feet-2010/media/pub-3.jpg)
La banda del 100 pies
Eloísa Cartonera
A Arxentina
Libros
![Sen título](https://dag.gal/assets/projects/feet-2010/media/pub-4.jpg)
Sen título
Asociación Ideasdosapoconcho
Galicia
Libro obxecto de tea cosida
![(Desmontar la) SOBERRRBIA...!!!](https://dag.gal/assets/projects/feet-2010/media/pub-5.jpg)
(Desmontar la) SOBERRRBIA...!!!
María Prada
Galicia
Libro
![fanzinecolores: #AZUL](https://dag.gal/assets/projects/feet-2010/media/pub-6.jpg)
fanzinecolores: #AZUL
Noemí Díaz Patiño
Eva Morell
Galicia
fanzine
![Duas linhas](https://dag.gal/assets/projects/feet-2010/media/pub-7.jpg)
Duas linhas
Pedro Campos e Nuno Louro
Libro e exposición
![Noente paradise](https://dag.gal/assets/projects/feet-2010/media/pub-8.jpg)
Noente paradise
Através editora
Galicia
Libro e CD
![Braço de Ferro - arte & design](https://dag.gal/assets/projects/feet-2010/media/pub-9.jpg)
Braço de Ferro - arte & design
Braço de Ferro
Porto
Libros
![Influences](https://dag.gal/assets/projects/feet-2010/media/pub-10.jpg)
Influences
Influences
Anna Gerber e Anja Lutz
![A land without people for a people without land](https://dag.gal/assets/projects/feet-2010/media/pub-11.jpg)
A land without people for a people without land
Nuno Coelho e Adam Kershaw
Porto
Exposición de carteis e libro
![Entrecruzar 1, 2 e 3](https://dag.gal/assets/projects/feet-2010/media/pub-12.jpg)
Entrecruzar 1, 2 e 3
Varios autores/as
Santiago de Compostela
Diferentes formatos
![La más bella](https://dag.gal/assets/projects/feet-2010/media/pub-13.jpg)
La más bella
Diego Ortiz e Pepe Murciego
Madrid
Diferentes formatos
![Homes sentados](https://dag.gal/assets/projects/feet-2010/media/pub-14.jpg)
Homes sentados
Carlos Rodríguez-Méndez
Madrid
Xornal
![Casas gallegas](https://dag.gal/assets/projects/feet-2010/media/pub-15.jpg)
Casas gallegas
Carlos Rodríguez-Méndez
Madrid
Xornal
![Isilda ou a mudez dos códigos de barras](https://dag.gal/assets/projects/feet-2010/media/pub-16.jpg)
Isilda ou a mudez dos códigos de barras
Oficina do Cego
Lisboa
Libro
![Mental movies](https://dag.gal/assets/projects/feet-2010/media/pub-17.jpg)
Mental movies
Editorial Clase Turista
Bos Aires, A Arxentina, 2010
Carteis e audio
Participa
Ata o dia 28 de novembro.
Se editaches unha publicación especial no campo da arte, do deseño ou da tipografía, en calquera formato ou material, podes enviala á DAG e formar parte do feet 2010. Do 2 ao 18 expoñeranse na Casa das Campás en Pontevedra.
Na exposición:
Desexas presentar o teu proxecto?
- Envíanos un correo a info@asociaciondag.org coa seguinte información: Nome, enderezo, teléfono, correo electrónico e unha pequena biografía persoal de 10 liñas como máximo. Dentro do apartado das características da obra inclúe: o título, o n.º de páxinas, o tipo de encadernación, unha breve descrición desta (10 liñas aproximadamente) e tamén dúas fotos (portada e interior)
- Remítenos a publicación ao seguinte enderezo:Apartado de Correos 2131 - 15780 Santiago de Compostela
- Imprime o texto que aparece a continuación e asínao como confirmación de que aceptas todos os termos:
A mostra Feet é un proxecto non comercial que se desenvolverá na Casa das Campás en Pontevedra do día 2 ao 18 de decembro.
Feet non se fai cargo dos portes de envío nin de retorno. No caso de renunciar á devolución da obra, os autores dan o seu consentimento para que os libros pasen a formar parte da Biblioteca da DAG.
A organización non se responsabiliza dos posibles danos causados ás obras durante a exposición ou o envío, nin, se se dese o caso, do roubo.
Nos talleres:
Inscríbete e participa!
Todas as actividades do foro son libres e gratuítas, pero para participar nos talleres requírese preinscrición.
Envíanos un breve currículo xunto cunha pequena explicación dos motivos polos que queres participar a info@asociaciondag.org:
Taller de edición de Pepe Murciego e Diego Ortiz de La Más Bella que impartirán os días 2, 3 e 4 de decembro.
Taller de tipografía, co deseñador catalán Andreu Balius como mestre de cerimonia, e que se desenvolverá ao longo do 16, 17 e 18 de decembro.
As prazas son limitadas.
Programa
Seis días ao longo dos que se desenvolverán obradoiros, presentacións, debates, performance... A Casa das Campás converterase nun escaparate de aventuras editoriais vangardistas e tamén nun espazo para compartir experiencias sobre proxectos editoriais especiais e libros de artista.
Só se precisa preinscrición nos obradoiros. As mesas e presentacións están abertas a todo o público. Sodes benvidos!
Foro edición
Xoves, 2 de decembro
11.00 h: Apertura do feet
11.15 – 20.00 h: Taller de edición e xestión de revistas de arte experimentais con La Más Bella
Venres, 3 de decembro
10.00 – 19.00 h: Taller de edición e xestión de revistas de arte experimentais con La Más Bella
19.30 h: Nuno Coelho e Adam Kershaw presentarán a súa obra:
Uma terra sem gente para gente sem terra - Um livro de colorir sobre a Palestina
Sábado, 4 de decembro
11.00 h: Mesa redonda “A edición como campo aberto de expresión”
Participarán: Manuel Bragado, Tati Mancebo, Pepe Barro, Nuno Coelho, Ángel Cerviño, Isabel Carvalho e Pedro Nora (Braço de Ferro)
13:00 h: Presentación performática de Pepe Murciego sobre a edición realizada polos participantes no taller de La Más Bella
Peche do taller e aperitivo
Foro tipografía
Xoves, 16 de decembro
11.00 – 19.00 h: Introdución á tipografía con Andreu Balius
19.30 h: Conferencia de Marcos Dopico
Aínda que chova... deseña. Deseño gráfico en Galicia na era global
Venres, 17 de decembro
9.30 – 19.00 h: Introdución á tipografía con Andreu Balius
19.30 h: Conferencia de Dino dos Santos
DSType Foundry: Deseño de tipos para xornais
Sábado, 18 de decembro
10.00 – 14.00 h: Introdución á tipografía con Andreu Balius
Do 2 ao 18 de decembro poderase visitar na Casa das Campás unha exposición con obras de Braço de Ferro, Editorial Clase Turista, La Más Bella, Shift!, Oficina do Cego, entre outras editoras.
A mostra feet permanecerá aberta de luns a sábado en horario de 18.00 - 21.00 h.