Foro
de deseño

Relatoras

• 

  David Galar    Ler biografía

  Close

  Deseñador gráfico especializado en motion design. Graduado en Deseño Gráfico e Máster en Motion Graphics por IDEP Barcelona é tamén Diplomado en Marketing e Xestión Comercial por ESIC e Skema Bussines School. Traballou no estudio Mucho onde desenvolveu principalmente proxectos de identidade. Tras tres anos traballando como freelance, en 2019 fundou o estudio Gimmewings, onde desenvolveu a súa actividade ata que xa en 2022 funda o estudio de Motion Design Thru.

  Os traballos de Motion Design Thru comunican a través da animación, a interacción e o movemento como forma de explicar conceptos e de xerar historias. Experimentan superando os límites, as reglas e os dogmas do deseño. Entre os seus clientes están Visa, a National Gallery de Canadá, Ayuntamiento de Madrid, Festival Blanc! ou Kinema.

  • Web
  • Instagram

  Obradoiro: Deseño gráfico a través de motion

  Mediante formas e tipografía crearemos unha presentación cun comportamento audiovisual sobre un máximo de dous conceptos creativos. O resultado serán tres aplicacións animadas.

  Necesario: Un ordenador portátil con After Effects e Media Encoder instalado. Levar rato (non so trackpad). Coñecementos en deseño gráfico, mais non é preciso ter altos coñecementos de animación.

  Conferencia: Thru Studio, gráfico a través do movemento

  A conferencia fará un repaso por algúns dos proxectos do estudio para explicar en base a case studies como se poden deseñar identidades gráficas a través da animación.

• 

  José F. López Aguilar    Ler biografía

  Close

  É socio-fundador e director de investigación e deseño de OiKo Design Office, consultora de deseño especializada en economía circular e desenvolvemento de materiais reciclados, desde onde traballa con marcas como Roca, Dentaid, Marset ou Escofet. Polo seu traballo foi recoñecido con prestixiosos premios internacionais como o Red Dot, o German Design Award ou o Green Product Award.

  É doutor en Enxeñaría de Materiais pola UPC, Deseñador Industrial pola Escola Elisava e Máster en Ecoloxía Industrial pola UAB. Como científico é investigador de Elisabva Research (UVic-UCC) e ten publicado en revistas de primero nivel (Q1). Ademais, é recoñecido internacionalmente polo seu traballo no campo da economía circular dos plásticos sendo responsable do primero material flow completo dos residuos plásticos procedentes de envase en España.

  Ademais, de ser profesor da Escola Elisava e responsable da sección «Cuaderno eco» da revista Arquitectura y Diseño de RBA desde 2014, publica libros e capítulos de libro na área dos materiais e o deseño.

  • Web
  • Instagram
  • Facebook
  • Linkedin

  Conferencia: Design from Recycling

  A través de varios casos prácticos desenvolvidos no estudio, compartiremos a metodoloxía de OiKo para facer reciclables os materiais, aportando valor e solucións de deseño desde a comprensión dos procesos de fabricación e da percepción da persoa usuaria.

• 

  María Agra    Ler biografía

  Close

  Deseñadora de produto dixital cunha sólida formación en arte e tecnoloxía. Comezou a súa carreira profesional en deseño editorial e expositivo en Galicia antes de trasladarse a Londres para traballar en axencias como Keepthinking, enfocada no deseño de software para o sector cultural e patrimonial, e startups como Verisart, pioneira na utilización da tecnoloxía blockchain no mercado da arte. Actualmente traballa en Trilitech, creando produtos e ferramentas orientados ás persoas para la blockchain Tezos. É unha apaixoada das posibilidades da tecnoloxía web3 e da resolución dos desafíos que presenta ás usuarias.

  • Web
  • Linkedin
  • Twitter

  Conferencia: Web3 e deseño centrado en usuario na era do blockchain e dos NFTs

  As tecnoloxías web3 como o blockchain, as aplicacións descentralizadas (dApps) e os tokens non funxibles (NFT) están a revolucionar a experiencia das persoas usuarias ao introducir novas formas de interactuar con Internet. A charla explorará o impacto de web3 nese sentido, incluíndo as oportunidades e retos que presentan estas tecnoloxías.

• 

  Estudantes de escolas de deseño galegas

  Exposición de traballos

  Presentación de proxectos realizados por estudantes de distintas escolas de deseño galegas

  • Belén Cordero, EASD Ramón Falcón
  • Diana Marotte, Mestrado de Dirección de Arte da UVigo
  • Estela Otero, EASD Antonio Faílde
  • Lucía Vázquez, EASD Pablo Picasso
  • Martín García, EASD Mestre Mateo
  • Sara Elexpe, Escola Superior Marcelo Macías
• 

  Marta Falcón    Ler biografía

  Close

  Deseñadora de servizos e emprendedora, especialista en ferramentas de deseño centradas nas persoas, axuda ás empresas a resolver os seus retos e crear servizos de forma innovadora. Formada en Enxeñaría Técnica de Deseño Industrial na UDC, realizou tamén o Máster en Deseño de Produto en Elisava de Barcelona e o Executive Course de Diseño de Servicios en H2i de Madrid. A súa traxectoria profesional iniciouse no sector do produto traballando en diferentes empresas, desde pequenas axencias ata corporacións moi grandes en España, Italia e Reino Unido.

  Desde 2012 traballa como consultora externa e formou parte de proxectos nos setores público, bancario, farmacéutico, enerxético, automoción ou comunicación. Ademais de ser speaker en eventos de carácter empresarial ou de deseño de novas metodoloxías, imparte formación en centros como IED de Barcelona e Madrid, Uxer School ou The Hero Camp.

  • Web
  • Linkedin
  • Twitter
  • Instagram

  Obradoiro: Deseño de negocios para negocios de deseño

  As persoas asistentes aprenderán sobre business design e poñerano en práctica con estudos de deseño e profesionais freelance. Haberá una parte teórica e logo traballarase en deseñar modelos de negocio atractivos e estratéxicos con técnicas de business design.

  Conferencia: Productividade en proxectos de deseño

  Dásenos ben deseñar pero… xestionar proxectos? Somos realmente produtivos/as? Estamos aliñados á estratexia de negocio? Cando falamos de produtividade pensamos en facer máis en menos tempo, en lugar de traballar de forma intelixente. Cando falamos de visión, estratexia e método, esquecémonos de que tamén se deseña. Nesta charla Marta Falcón vai falar de pautas accionables sobre business design, para funcionar coa mellor estratexia e sacar adiante os nosos proxectos cunha produtividade sa.

• 

  Noemí Cortizas    Ler biografía

  Close

  Enxeñeira e deseñadora industrial con máis dunha década de experiencia en proxectos internacionais, enfocou a súa carreira no deseño de CMF (Cores, Materiais, Acabados de superficies) e na sustentabilidade. Afincada en Francia, ao longo da súa carreira tivo oportunidade de traballar para marcas e proxectos de vangarda dentro de sectores como o da cosmética de luxo, bens de consumo, mobiliario e transporte. Así, traballou con Airbus, Swatch Group, Estée Lauder, MAC, Auchan, La Mer, DS Automóviles ou Adolfo Domínguez.

  Actualmente, como deseñadora independente en Ydemaker, emprega os seus coñecementos técnicos e as súas habilidades estéticas para colaborar con equipos de márketing, técnicos e de fabricación, axudando ás marcas a comprender as tendencias do mercado, formulando unha estratexia CMF ou traballando no desenvolvemento de produtos chave en man.

  En 2022, o seu deseño Vivaluz, foi seleccionado para o programa europeo CIRCOAX de moda circular. Ademais, é profesora a tempo parcial de Deseño Industrial en Madeira na Escola Superior das Tecnoloxías da Madeira e directora de proxectos Fin de Grao e Fin de Máster de Sustentabilidade e Deseño en ICAI.

  • Web
  • Instagram
  • Twitter

  Conferencia: Outros puntos de vista sobre o deseño

  Actualmente, discútese moito sobre o deseño sostible. Mais, que ferramentas teñen os deseñadores e as deseñadoras ao seu dispor para realizaren o seu traballo? É certo todo o que se amosa nas redes sobre as virtudes dos novos materiais? Noemí abordará a temática da neolinguaxe, como pode afectarnos e como reducir o seu impacto negativo. Ademais, compartirá a súa experiencia como membro da APCi e a súa participación nalgúns eventos e actividades.

• 

  Àngela Montagud    Ler biografía

  Close

  O seu perfil abrangue diferentes competencias, desde o deseño de interiores ata o marketing e a comunicación. Estudiou Arquitectura Técnica en Valencia e posteriormente completou a súa formación cun mestrado en Marketing e Comunicación. Despois dun ano traballando en Alemaña, en 2017 regresou a Valencia e fundou Clap Studio xunto ao seu socio Jordi Iranzo.

  A filosofía do estudio ríxese por tres palabras clave: sinxeleza, elegancia e xogo. Realizaron proxectos en grandes cidades como Hong Kong, Sao Paulo, Barcelona e Minsk. Clap foi nomeada unha das 100 axencias máis creativas de España pola revista FORBES España, gañou un German Design Awards 2020, tamén un FRAME Awards 2019 e foi recoñecida na longlist dos Dezeen Awards 2019 como Estudio de Deseño Interior Emexente.

  • Web
  • Linkedin
  • Instagram

  Conferencia: Creando local, comunicando global

  En Clap a diferenciación e a comunicación son fundamentais para crear proxectos a nivel internacional e lograr a repercusión que buscan. Àngela falará dos procesos de creación do estudio e da importancia de comunicar o resultado dando valor á contorna local que os fai posible.

• 

  Isidro Ferrer    Ler biografía

  Close

  Ducias de libros, centos de carteis, delicados obxectos, enormes fachadas, curtas de animación, esculturas, téxtiles, imaxes de marca, lámpadas. Calquera soporte, técnica, canle de comunicación, lle serve a Isidro Ferrer para expresar con imaxes a súa paixón polo teatro da vida. Premio Nacional de Deseño 2002, Premio Nacional de Ilustración 2006, membro da AGI (Alliance Graphique International), viaxeiro infatigable, abrangue coa súa obra e a súa palabra unha vasta xeografía física e emocional.

  Ilustrador e deseñador gráfico de longa traxectoria profesional traballou con clientes como o Centro Dramático Nacional, o Governo de Aragón, a Universidad Complutense de Madrid, CentroCentro, Le Petit Teatre de Suíza ou Camper.

  • Web

  Conferencia: A propósito de nada

  Tomando como punto de partida algúns versos do Libro sobre nada do poeta brasileño Manoel de Barros, Isidro Ferrer realiza un pecorrido emocional e visual por unha selección dos sus últimos traballos. Traballos na esfera do público e o privado que, seguindo o ronsel do poeta, perseguen a desinvención dos obxectos e as cousas.