Nesta ocasión foi DICA (Asociación de Profesionales y Empresas de Diseño de Canarias) a anfitriona que recibiu ás persoas que representan a cada unha das asociacións de READ para a súa Asemblea anual na que se procedeu ao nomeamento da asociación que exercerá a presidencia para os vindeiros dous anos e o seu equipo. ​

Do 1 ao 3 de abril a EASD Antonio Faílde organiza as IV Xornadas Crea de Arte e Deseño cun amplo programa de charlas e presentacións de proxectos, coa participación do noso socio Ismael Velo.​​​

A Asociación Galega de Editoras celebrará a Isaac Díaz Pardo, no ano en que se lle dedica o Día das Artes Galegas, cunha xornada centrada no seu papel á fronte de Ediciós do Castro.

A deseñadora visitará a Escola de Arte Superior e Deseño da Coruña o martes 11 de marzo, no marco das actividades programadas polo centro para conmemorar o 8M. 

O próximo 22 de febreiro temos nova cita co deseño tipográfico no espazo Movidas Coworking de Carballo. Esta primeira edición do 2025 contará coa presenza de Maite Canet e Manuel Griñó​n. A entrada é de balde ata completar a capacidade do local.

O proxecto interno de READ que busca a internacionalización do deseño español lanza unha nova convocatoria para actualizar a plataforma e incluír novos traballos de profesionais do deseño. O 24 de febreiro é o​ prazo máximo para presentar candidaturas.

A XXXI Edición dos Premios Anuaria acaba de publicar os proxectos premiados e entre eles atopamos aos socios José A. Pérez Gil de Era Comunicación e Yago Concejo de Sr. Concejo, con traballos en diferentes categorías. 

Inaugúrase no Centro Cultural de España en Washington, D.C. a exposición From Spain With Design - Essence, organizada por READ, con ampla representación de deseño galego.

Nesta nova edición dos Premios Laus organizados por ADG FAD, os e as profesionais do deseño teñen ata o 12 de febreiro para inscribir aqueles traballos realizados en 2024 que busquen seren premiados. As asociadas de DAG teñen ademais un 15% de desconto.

Do 22 ao 24 de xaneiro a EASD Pablo Picasso da Coruña organiza as VIII Xornadas Bisiona. Tres días par​a​ coñecer a experiencia profesional de antigos e antigas estudantes da escola como Lidia Cao, Luis Mosquera ou Marta Lojo. A asistencia é aberta ao público, mais o alumnado ten acceso prioritario.​

Comezamos o ano falando de deseño no 3º Encontro, que terá lugar en Cangas o vindeiro sábado 18 de xaneiro. Unha ocasión para compartir presentacións, intereses comúns e aprendizaxe conxunta.

Hoxe xoves 12 de decembro ás 20.00 ​h​ terá lugar na Sala Cubo de Normal, na Coruña, a presentación do volume A Galicia deseñada, con autoría​ ​de Marcos Dopico, Cibrán Rico e Suso Vázquez, e coeditado entre Fabulatorio e a Universidade da Coruña.