Do 14 ao 16 de decembro, a EASD Pablo Picasso organiza as VI Xornadas de Arte e Deseño «Bisiona», que reúne a profesionais de diversos ámbitos da arte, da artesanía e do deseño, co obxectivo de achegar a experiencia dos e das profesionais de cada un dos sectores ao alumnado e ao público xeral. Nesta ocasión, participan os compañeiros de Desoños. 

Xuventude Mentoring é un programa integral de formación e mentoría destinado a persoas mozas tituladas e inscritas no Sistema Nacional de Garantía Xuvenil na Comunidade Autónoma de Galicia. A DAG colabora difundindo información sobre o proxecto e servindo de canle para a incorporación de persoas asociadas como mentoras.

O pasado venres 18 de novembro coñecéronse os proxectos gañadores dos VII Premios Paraugas nunha gala presencial celebrada en Expourense. Os Premios, que estrearon imaxe gráfica, respaldaron a calidade do traballo que se está a desenvolver en Galicia nos últimos anos. 

O proxecto, dirixido polo noso socio ​​Angel Corral, pretende desenvolverse como un escaparate cultural que mostre a Galicia máis plural e diversa, combinando arquitectura con interpretacións de artistas galegos, tradición e vangarda, destacando o patrimonio natural, humano e cultural. 

Dentro do programa de actividades paralelas á exposición «A Galicia deseñada», e despois da primeira charla ofrecida por Pepe Barro o pasado martes en Normal (UDC), o 17 de novembro ás 19:30 h organízase a mesa redonda «Círculos e cadrados, deseñar tamén é unha cuestión de xénero» coa presencia das deseñadoras Lía Santana, Uqui Permui, Nuria Carballo, Raquel Boo e Thais Suárez. 

Entre o 21 e o 25 de novembro celebrarase a semana inaugural en La Central de Diseño, centro cultural Matadero Madrid onde, entre os proxectos seleccionados, poderemos ver os dos nosos socios Roberto Núñez, Ricardo Tubío e Xabier Rilo​.

O pasado 4 de novembro presentáronse na Fundación DIDAC​ ​dous novos proxectos relacionados co deseño: a exposición «Formas propias. Deseño para a Innovación» e a publicación Dicionario do deseño e da innovación en Galicia.

O pasado 21 e 22 de outubro tivo lugar en Pontevedra o 10º Encontro Nacional de Deseño organizado por DAG e READ baixo o lema «Cidades imaxinadas, cidades deseñadas». No marco do ENAD, presentouse a programación de «Transitar o impensable», un proxecto liderado polo grupo Gráficas en Negro.

O Cluster da Comunicación de Galicia convoca unha nova edición dos Premios Paraugas. As empresas e profesionais interesados en inscribir os seus proxectos poderán facelo ata o vindeiro 31 de outubro e​​ os socios e socias da DAG teñen desconto.  ​

A DAG suma unha nova asociada, Sofía F de Ana, que despois de percorrer medio mundo, volveu a Galicia e traballa desde Pontevedra. Estamos moi contentas de contar con ela.

A exposición​ ​A Galicia deseñada, símbolos, marcas e identidades gráficas,​ comisariada por Marcos Dopico, Cibrán Rico e Suso Vázquez,​ nace co obxectivo de contribuír a establecer unha historiografía sobre o deseño galego, a partir dun catálog​o​ de traballos realizados en Galicia que poida funcionar como documentación de referencia e consulta para as deseñadoras e deseñadores actuais e futuros. Será exposta na Sala Normal da Universidade da Coruña dende o vindeiro 14 de outubro ata o 13 de xaneiro de 2023.

O Galicia Design Weekend, festival de deseño que forma parte do circuíto internacional de semanas do deseño, chega por primeira vez a Vigo este sábado 1 de outubro con conferencias, exposicións, un taller e un showroom dixital.