1º Encontro de Deseño para a Innovación Empresarial en Galicia
Con motivo do Día Mundial do Deseño Industrial, a Consellería de Economía, Emprego e Industria, a través da Axencia Galega de innovación (GAIN) organiza o próximo 28 de xuño de 2018 o I Encontro de Deseño para a Innovación Empresarial no CIS Galicia de Ferrol.
Trátase dunha das actividades enmarcada dentro do novo Plan de Deseño para a Innovación 2020 que se dirixe a todos os deseñadores galegos de todos os ámbitos (industrial, gráfico, de produto, organizacional, dixital e multimedia), estudantes desta especialidade e representantes de empresas e outras entidades interesadas en potenciar o deseño como ferramenta de innovación e competitividade nas súas organizacións.
O programa inclúe palestras, espazos expositivos e tamén reunións bilaterais entre deseñadores e empresas, e a inscrición é gratuíta.