Aberta a convocatoria para presentar proxectos aos Premios ADG Laus 2023
A 53ª edición dos premios ADG Laus xa está en marcha. Tanto profesionais como estudantes de deseño gráfico e dixital, publicidade e comunicación visual poderán inscribir os seus proxectos ata o 17 de febreiro de 2023. As asociadas a DAG cun 15% de desconto.
A Asociación de Diseñadores Gráficos y Directores de Arte (ADG-FAD) acaba de abrir a convocatoria de inscricións da 53ª edición dos Premios ADG Laus nas categorías Deseño Gráfico, Dixital, Publicidade e Audiovisual para profesionais do deseño gráfico e a comunicación visual, os Laus Estudantes para estudantes de deseño, publicidade, audiovisual e dixital de todo o país, e a categoría Laus Aporta, que busca recoñecer proxectos que a través do deseño conseguiron redimensionar unha información, un servizo ou un produto social e culturalmente.
O xurado que outorgará os Premios ADG Laus 2023 está integrado por grandes profesionais do sector do deseño e a comunicación visual, recoñecidos a nivel nacional e internacional, como o noso socio Cibrán Rico de Desescribir, Ainhoa Nicolau, Lluis Morillas, Ramón Soler, Ena Cardenal de la Nuez, Pablo Amade o Rubén García Alí entre moitos outros.
A convocatoria de inscricións permanecerá aberta ata o próximo 17 de febreiro. Toda a información e condicións de participación aparecen detalladas nas bases. A presentación de proxectos realízase na páxina web dos premios e todas as persoas asociadas á DAG, como entidade amiga, poden beneficiarse dun descuento do 15%.