Aberto o prazo de solicitude das axudas DeseñaPeme 2022
As axudas están destinadas á incorporación do deseño en pemes e microempresas galegas como ferramenta de innovación e sostibilidade.
DeseñaPeme 2022 son axudas para a mellora da capacidade de innovación e sostibilidade nas empresas galegas mediante a incorporación do deseño estratéxico de produtos, servizos, experiencias, marcas e identidade corporativa.
Nestas axudas diferéncianse tres ámbitos do deseño segundo o tipo de proxecto a desenvolver nas empresas beneficiarias:
-
Deseño de produto: concepción e desenvolvemento de produtos novos ou, no caso de redeseño dos xa existentes, que se aprecie unha mellora substancial.
-
Duración mínima do proxecto: 12 meses.
-
Posibilidade de integrar no proxecto:
-
Deseño circular para conseguir novos produtos sustentables.
-
Deseño dixital, sempre que estea asociado ao produto.
-
Deseño de identidade, é dicir, elementos de identidade gráfica, envase, embalaxe e comunicación ligados ao produto.
-
-
-
Deseño de servizos e experiencias: concepción e desenvolvemento de servizos e experiencias novos ou, no caso de redeseño dos xa existentes, que se aprecie unha mellora substancial desde o punto de vista estético, funcional, técnico/produtivo e económico.
-
Duración mínima do proxecto: 12 meses.
-
Posibilidade de integrar no proxecto:
-
Deseño dixital, sempre que estea asociado ao novo servizo ou experiencia.
-
Deseño de identidade, é dicir, elementos de identidade gráfica e comunicación ligados ao servizo ou experiencia.
-
-
-
Deseño de marca e identidade corporativa: formulación de proxectos de identidade corporativa e marca, con especial atención á representación de valores sustentables e innovadores.
-
Duración mínima do proxecto: 6 meses.
-
Posibilidade de integrar no proxecto:
-
Traballos de deseño gráfico, identidade visual, embalaxe, creación de soportes dixitais e outros, necesarios para configurar a estratexia de marca coa que a empresa proxecta a súa identidade cara ás persoas e o mercado.
-
-
A convocatoria é en réxime de concorrencia competitiva e subvención a fondo perdido. As axudas deste programa poderán ser solicitadas por microempresas, pequenas e medianas empresas individuais con domicilio social ou centro de traballo en Galicia, onde deberán desenvolver as actividades para as que se solicita a axuda. Quedan excluídas as que están integradas na sección J dos códigos CNAE 2009 (información e comunicación). O prazo de presentación de solicitudes é ata o 23 de maio.