Alba Bermúdez
Deseñadora gráfica en Lalola Estudio de Branding
En 2005 cursei os estudos superiores en Deseño Textil e Moda de Galicia (ESDEMGA). Tras realizar prácticas en dúas firmas de moda española de referencia, descubrín que a miña verdadeira paixón era o deseño gráfico.
Durante once anos traballei no sector da publicidade e do reclamo publicitario, ocupando o posto de deseño e preimpresión, o que me permitiu adquirir unha visión moi funcional e práctica do oficio.
En 2020, a miña mellor amiga —agora tamén socia— e máis eu fundamos Lalola, un estudo de branding situado en Cangas do Morrazo, especializado en estratexia, creación e xestión de marca, desde o que desenvolvemos proxectos para clientes de todo o mundo.
En Lalola encárgome de proxectos de identidade visual, dirección de arte e consultoría, mentres a miña socia céntrase na estratexia, o copywriting e a consultoría. Xuntas damos forma a marcas con significado, equilibrando concepto e estética, fondo e forma.