Alexandra R. Rey

Alexandra R. Rey (Pontevedra, 1993) é xestora cultural, artista plástica e deseñadora gráfica que comprende a arte como unha ferramenta necesaria e transformadora para a sociedade. Graduada en Belas Artes pola Universidade de Vigo, especializada cun Máster en Arte Contemporánea creación e investigación pola Universidade de Vigo. Fundadora do estudio “DousErr_s” de deseño gráfico e cofundadora de Vaciocero Servizos Culturais xunto a Basilisa Fiestras e María Gar.

O estudio DousErr_s céntrase na faceta fundamental do deseño como identidade, como espazo de conexión creador de redes e clave fundamental no coidado e arquivo da memoria colectiva e individual. A Cultura como dereito ao cal todes deben ter acceso e a función dos/as axentes culturais a modo de pontes que conectan e posibilitan novos camiños e realidades.