Benvida Sofía!
A DAG suma unha nova asociada, Sofía F de Ana, que despois de percorrer medio mundo, volveu a Galicia e traballa desde Pontevedra. Estamos moi contentas de contar con ela.
Boas, chámome Sofía, son e vivo en Pontevedra, e din unhas voltas polo mundo antes de voltar a casa.
Son licenciada en Belas Artes en Salamanca, especializada en deseño gráfico. Completei estudos de fotografía e tipografía na Gerrit Rietveld Academie de Amsterdam. Becada pola Fundación Barrié, cursei o “Master of Science” en communications design en Pratt Institute, Nova York.
Traballei en estudos de deseño gráfico como Milton Glaser e RDA de Manhattan, Frank Schröder London en Londres, BR Nektarnet en Barcelona ou Interbrand en Madrid.
Xa en Pontevedra, dende o ano 2006 traballei de forma independiente para empresas e institucións como a Fundación Barrié, Ministerio de Sanidad, Concello de Pontevedra, Bodegas Vivanco ou Hifas da Terra.
Agora estou traballando en Hifas da Terra como deseñadora gráfica manager e, aínda que o meu traballo sempre foi de deseño gráfico xeralista, actualmente estou mais interesada e centrada en proxectos de branding e packaging.
MUNDO - (NATUREZA + ARTE + ACCIDENTE) = DESEÑO
Encantada de pertencer a DAG. Espero poder compartir, aportar e aprender.
Unha aperta,
Sofía.