A DAG dalle a benvida a Héctor Lorenzo
A DAG segue medrando nun outono con moitas incorporacións, o que nos causa grande entusiasmo e nos da folgos para seguir traballando. Héctor Lorenzo é un novo socio na categoría novel. Alédanos ver que a xente nova tamén se ve reflectida neste proxecto asociativo. Benvido Héctor!
Boas,
Son Héctor Lorenzo, licenciado en Comunicación Audiovisual pero apaixonado do Deseño Gráfico, o que me levou a emprender un camiño como Deseñador Gráfico freelance onde cada día descubro e aprendo cousas novas.
O meu obxectivo como deseñador gráfico e axudar a contar historias a través dun estilo minimalista, con deseños exclusivos e creativos para as marcas, empregando unha linguaxe visual distintivamente mínima para comunicar o valor dun produto ou servizo.
Gozo da colaboración en todo tipo de proxectos e sempre estou aberto a emocionantes e novos desafíos para apoialos coa miña achega creativa e axudalos a comunicar o seu valor.