O deseño de mobiliario infantil de cucuducho recibe un A’ Design Award
A marca galega cucuducho acaba de recibir o recoñecemento do xurado internacional nos prestixiosos A’ Design Award polo deseño do seu escritorio dobre maijom.
Os premios anuais A’ Design Award destacan o traballo desenvolvido en deseño de produto e sevizos, entre outros. Estes galardóns, moi ben considerados no sector, contan con un alto índice de participación de profesionais, estudios e marcas de distintas partes do mundo. Este ano atopamos deseño galego entre os nomes dos proxectos gañadores. O noso socio Lois Guillán co deseño do escritorio maijon conseguiu un premio de prata na categoría de mobiliario infantil. Todos os deseños premiados estarán incluídos no anuario de creatividade e deseño Yearbook of Best Designs, que se publicará proximamente. O deseño galego segue a sumr proxectos á súa conta particular nestes premios. En edicións anteriores atopamos nomes como FrutoDS, co seu colector Big.Bin, en 2013 ou Wood Feelings en 2017. Esta é sen dúbida unha gran noticia para o deseño galego que recibe o recoñecemento ao seu bo facer.
O proxecto cucuducho, creado en 2015, aposta por unha filosofía de traballo na que o deseño, a cultura e os valores se unen para promover o consumo responsable e a fabricación local. A marca, especializada na creación e venda de produtos infantís (mobiliario e obxectos decorativos), pon o foco nun deseño coidado e nunha exhaustiva selección de materiais, fomentando a sostibilidade dos recursos.