Festival Creativa en Vigo
A segunda edición do Festival Creativa, organizado por Galería Maraca e Dot Galicia, xa está en marcha e poderemos gozar de contidos variados desde o venres 19 ata o domingo 21 de abril.
Diferentes espazos acollerán o completo da programación: a Galería Maraca, o Museo MARCO e o espazo Évame Orza. Como novidade haberá un mercado gráfico de ilustración, deseño e autoedición que poderá visitarse durante a xornada do sábado.
O festival reúne a artistas, profesionais do deseño e da ilustración e, nesta ocasión, especialistas en IA. Así, poderemos escoitar a Alba Meijide, o colectivo Boamistura, Eugenia Tenenbaun, Ricardo Cavolo, Carme López, Fantasmage, Flavita Banana e Ricardo Moya, e Nuria Díaz. Haberá tamén unha mesa redonda onde participan as nosas compañeiras, María Ramos e Noelia Estévez, xunto con Lis M. Torrón, unha exposición do ilustrador alemán Yeye Weller e charlas rápidas onde se presentan proxectos e artistas locais.
A entrada é gratuíta e o aforo limitado nalgunhas localizacións.