Idoia Cuesta e Novagarda premiados
Rematamos o mes de xuño con asociados premiados en diferentes certames. Novagarda coseguiu o Laus de Ouro na categoría de deseño de website transaccional, e Idoia Cuesta o Premio Room na categoría de artesanía art design.
Onte, 26 de xuño, déronse en Madrid os Premios Room Deseño, que este ano celebraban a súa terceira edición. Entre os proxectos nominados nas diferentes categorías, atopamos o da socia Idoia Cuesta e Inés Sistiaga, baixo o nome «Rastros de transformación». Nel, reformulan as técnicas herdadas no traballo da madeira nun exercicio que se concibe como pura experimentación, e do que se poden extraer outras fórmulas de creación de obxectos de deseño.
Pola súa banda, os compañeiros Iago Barreiro e Alberto Carballido do estudio Novagarda estaban nominados aos Premios Laus 2025 e na gala celebrada en Barcelona o pasado 19 de xuño conseguiron o Laus de Ouro na categoría de deseño de web transaccional, polo traballo realizado para Noroeste Obradoiro, un espazo-taller onde se visibiliza de principio a fin o proceso de creación dunha peza de xoiaría.