III edición dos Premios Galicia Innovación e Deseño
O 20 de decembro celebrouse no Hotel Monumento San Francisco de Santiago de Compostela a gala de entrega dos III Premios Galicia Innovación e Deseño que promove a Xunta de Galicia a través da Axencia Galega de Innovación, con tres premios nas categorías de Innovación e outros tres nas categorías de Deseño.
Os galardóns recoñecen o labor das persoas e empresas referentes do avance económico e social en Galicia a través da innovación e do deseño. Profesionais de recoñecido prestixio, entre eles o noso presidente Xose García, integraron o xurado que seleccionou ás persoas e empresas finalistas para as categorías das que consta o certame:
Deseño:
- Profesionais: profesionais do deseño (persoas ou equipos) cunha traxectoria de alomenos dez anos de recoñecido prestixio no sector. Gañador: Isaac Piñeiro Meira. Finalistas Costa Comunicación Visual e MMASA.
- Talento emerxente: creadores e creadoras de ata 35 anos de idade cunha traxectoria profesional inferior a dez anos. Gañadora Sara Regal Alonso. Finalistas: Raquel Fernández Caamaño e Roberto Costas Fernández.
- Empresas: empresas consolidadas que incorporaron o deseño á súa estratexia empresarial ao longo de, como mínimo, a última década. Gañadora: Unvi Carroceros. Finalistas: Hifas da Terra e Vertifil Industrial.
Innovación:
- Pequena e mediana empresa: pemes con demostrada actividade innovadora durante alomenos os últimos cinco anos. Gañadora: Alen Space. Finalistas: Centum Research&Technology e Little Electric Car España.
- Grande empresa: grandes empresas con actividade innovadora ao longo de, como mínimo, a última década. Gañadora: Compañía Española de Algas Marinas (Ceamsa). Finalistas: Puentes y Calzadas e Unvi Carroceros.
- Traxectoria innovadora: líderes empresariais e profesionais cunha traxectoria de alomenos dez anos na que a innovación fose relevante: Catalina Fernández de Ana.
Parabéns aos/as profesionais e empresas finalistas nesta edición polas súas traxectorias, en especial aos nosos socios David Silvosa e Daniel Bembibre de Costa comunicación visual, e a Sofía de Ana como integrante do equipo de Hifas da Terra.