• Acerca da DAG
  • Novidades
  • Proxectos
  • Socios e socias
  • Foro
    • GL
    • ES
noticias socios/socias
02-06-2025 14:01:06

Javier Martínez, novo socio de DAG

Hoxe presentamos a Javier Martínez, Javi MarMon, ourensán apaixoado e creativo, artista 3D e tecedor de historias que busca aplicar o seu entusiasmo e habilidades ao deseño de personaxes e mundos. Benvido!

Twitter icon Twitter Facebook icon Facebook

Boas!

Son Javier Martínez Monzoncillo, Javi MarMon, artista dixital nado en Ourense.

Cursei o meu BFA en Digipen Bilbao entre 2020 e 2024 e na actualidade compatibilizo a miña actividade profesional coa realización dun Programa de Formación Avanzada en modelado 3D.

Teño adquirido formación sólida en todo o pipeline de produción de animación e videoxogos, interesándome especialmente o deseño de personaxes, modelado 3D e a creación de historias. 

Afortunadamente, teño certa experiencia laboral tras participar en producións reais como rigger e modelador 3D.

En calquera caso, quero compartir con vós que, xa dende cativo, sinto auténtica paixón pola arte dixital e tiña como principal xoguete, ademais dos meus queridos legos, unha tableta para debuxar que me acompañaba sempre.

Estou emocionado por unirme a esta comunidade de profesionais e desexoso de aprender de vós, de compartir experiencias, inquedanzas e proxectos e de aportar, na medida do posible, a miña visión da arte.

Unha grande aperta para toda a comunidade da DAG!

Javi MarMon

Asociación Galega de Deseño

Centro sociocultural A Trisca (2º andar)
Corredoira das Fraguas, 92
15703 Santiago de Compostela

Teléfono: 691 230 421
Mail: info@dag.gal

Síguenos tamén en:

  • Twitter icon
  • Facebook icon
  • Instagram icon
  • YouTube icon

DAG é membro de

Foro DAG Aviso legal Colofón RSS

En cumprimento da Lei 34/2002, de Servizos da Sociedade da Información, recordámoslle que este sitio web utiliza cookies co fin de mellorar os nosos servizos.