Son Luís Lago, un autodidacta.

Un día atopei unha formiga nun autobús, ¿estaría perdida ou seria unha viaxe intencionada?, e díxenme, -Quero ser como ela, aberto á vida e ás experiencias que esta lle expón.

Viaxei durante anos polas artes escénicas, danza, teatro, cinema... en campos variados, iluminación, escenografía... sempre contando historias, buscando como chegar á esencia.

A iluminación sempre me emocionou, descubrir a intimidade dun obxecto por medio da luz, ou ver como unha escena cambia radicalmente de aspecto segundo ilumínase.

Nun momento dado coñecín unha nova forma de contar historias, o mundo da internet foi unha gran aprendizaxe de 10 anos, programación, maquetación, deseño. Deime conta que tentaba iluminar as pantallas, buscando nese mundo, por aqueles tempos 2D, plasmar o volume que a luz nos revela ao rebotar nos obxectos.

A narrativa da cor, a luz, a forma, textura, etc. marcaron claramente o meu camiño.

Cando xurdiu a posibilidade de colaborar con Antonio Monroy, agora o meu socio, non o dubidei, crear obxectos con luz propia!. Tras máis de dez anos colaborando, fundamos nosa marca lago: monroy.

Chegar ao máximo da funcionalidade dun obxecto é imprescindible pero non o único.

Función e emoción son sempre a miña meta.