Marcas galegas, historias de éxito
Un evento para poñer en valor o papel estratéxico da marca no desenvolvemento empresarial galego.
Esta iniciativa, organizada polo estudio do noso socio Dani Bembibre, Costa, en colaboración con Aebrand e o Foro de Marcas Renombradas Españolas, terá lugar mañá xoves 9 de outubro no Club Cámara Noroeste da Coruña, en horario de 9.30-14.30 h. O programa incluírá a presentación do BrandPulse 2024, informe de referencia sobre a saúde das marcas españolas.
Na xornada haberá tempo tamén para unha sesión de networking e dúas mesas redondas. A primeira, titulada «Marcas galegas e internacionalización», moderada polo Foro de Marcas Renombradas Españolas, contará coa participación de directivos de Hijos de Rivera, ITG e Russula. A segunda, «Marca e empresa familiar en Galicia», estará moderada por Costa e terá por participantes a representantes de Candelas, Krack e a Asociación Gallega de Empresa Familiar.
A iniciativa está impulsada polo Club Cámara Noroeste e conta coa colaboración de GFK.