Marta Verde impartirá programación creativa con processing en Compostela
Marta Verde, a nosa relatora do pasado FEED volverá a Galicia a principios de febreiro para impartir un obradoiro de programación creativa con processing.
Trátase dun obradoiro de iniciación ao processing, unha linguaxe de código aberto e IDE que tivo o seu inicio en 2001 no MIT. Unha das súas singularidades é que está desenvolto por e para artistas e deseñadores e trátase, por tanto, dun acceso simple á programación creativa cunhas enormes posibilidades. Os seus múltiples usos van desde a xeración de gráficos en tempo real, visualización de datos, aplicacións de computer vision, control de sensores e actuadores (Arduino), etc.
A actividade terá lugar os días 6 e 7 de febreiro de 2016 en horario de 10 a 14 h e de 16 a 20 h no espazo Unitaria en Santiago de Compostela.