Mercedes Barazal

Amo e aprezo os obxectos desde que era pequena. Medrei fascinada coas formas e o tacto das cousas, cos pequenos detalles que os facían especiais e inesquecibles. 

Traballo no ámbito das artes decorativas, deseñando pezas únicas ou de edición limitada, producidas en colaboración con mestres artesáns. As miñas creacións fan hincapié no detalle, ás veces sutil ou lixeiramente agochado, xerando un xogo de percepción co espectador.

A obra do ser humano ao longo do tempo, desde a ferramenta máis rudimentaria até a máis conmovedora expresión artística —arquitectura, música, pintura, escultura, danza— é a miña principal fonte de inspiración e un recordatorio constante do poder enriquecedor e transformador das artes nas nosas vidas.