• Acerca da DAG
  • Novidades
  • Proxectos
  • Socios e socias
  • Foro
    • GL
    • ES
02-10-2023 07:36:24

Nova convocatoria dos Premios Anuaria

A XXX Edición dos Premios Anuaria xa está en marcha e aquelas persoas e estudios de deseño que queiran presentar proxectos teñen ata o 15 de novembro para poder facelo. Os socios e socias de DAG, ademais, contan un desconto especial na inscrición.

Os Premios Anuaria establecen 24 categorías que abranguen os diferentes ámbitos do deseño gráfico impreso e dixital.​ Hai premios, por exemplo, ao mellor cartel, ao mellor catálogo, ​ao mellor deseño dunha publicación periódica,​ á mellor tipografía, ao mellor deseño de empaquetado,​ ​ao mellor programa de identidade corporativa, ao​ mellor deseño dun sitio web, ao mellor deseño dunha app…

Ademais dos premios a profesionais, a organización permite a​​ presentación de traballos e proxectos de estudantes de último curso de deseño, que serán galardoados co premio Anuaria-Pro.

O xurado dos Anuaria está formado por membros das principais organizacións profesionais e centros de deseño de España.​ A DAG colabora co certame desde hai moitos anos. Nas últimas ocasións, María Agra exercía de representante no xurado.​​ Desta vez, será Thais Suárez, vogal da Xunta Directiva, quen faga esa representación.​

Todos os socios e socias de DAG teñen un desconto do 30% na inscrición dos proxectos e traballos que é acumulable a outros descontos que ofrece a organizació​n. 

O veredicto farase público en xaneiro de 2024. Moita sorte a todos e todas!

Máis información e inscricións
Asociación Galega de Deseño

Centro sociocultural A Trisca (2º andar)
Corredoira das Fraguas, 92
15703 Santiago de Compostela

Teléfono: 691 230 421
Mail: info@dag.gal

Síguenos tamén en:

  • Flickr
  • Instagram icon
  • YouTube icon

DAG é membro de

Foro DAG Aviso legal Colofón RSS

En cumprimento da Lei 34/2002, de Servizos da Sociedade da Información, recordámoslle que este sitio web utiliza cookies co fin de mellorar os nosos servizos.