O primeiro Congreso de Deseño de Donostia
Terá lugar entre o 18 e o 20 de xullo, a comezos da semana que vén, dentro do marco do Programa dos Cursos de Verán da UPV/EHU – UPV/EHUko Uda Ikastaroak, e esta primeira edición estará dedicada ás marcas gráficas de identidade corporativa.
O programa inclúe numerosos relatorios e comunicacións de expertos profesionais do Deseño Gráfico, profesores e investigadores. Joan Costa, Emilio Gil, Enric Jardí, Daniel Raposo, Manuel Estrada, Leire Fernández e Eduardo Herrera encóntranse entre os relatores.
Polo que respecta ás sesións de comunicacións, temos que destacar as contribucións de dous dos nosos socios que presentan comunicacións a tarde do 19 de xullo: Marcos Dopico lerá A Influencia da tipografía do proxecto moderno na identidade corporativa contemporánea. Do símbolo ao programa tipográfico, e Uqui Permui, A marca dun territorio feminista.
Alén destas actividades, están programados tamén un workshop, impartido por Leire Fernández e Eduardo Herrera, e a exposición Marcas da casa, onde se poderán ver traballos de deseño de marcas gráficas realizados por estudios profesionais de Donostia como contributo específico do Congreso ao fomento da creatividade e innovación dentro do programa cultural Donostia/San Sebastián 2016 Capital Europea da Cultura.