O socio Miguel Flores da Costa galardoado nos IX Premios Provinciais á Xuventude de Pontevedra
A Deputación de Pontevedra entregou recentemente os premios que recoñecen o talento da mocidade da provincia nunha ducia de disciplinas, entre elas a de deseño, onde o noso compañeiro recibiu o segundo premio.
Fotografía: Donauta
Esta novena edición marcou un récord de candidaturas e foron premiadas un total de 39 entre doce categorías: iniciativa de interese xuvenil, banda deseñada, contido audiovisual, deseño e moda, educación en valores, iniciativa empresarial, educación xuvenil en concellos, investigación en ciencia, investigación en artes, música clásica, música noutros xéneros, narrativa, poesía, serie fotográfica e fotografía.
O socio Miguel Flores da Costa, deseñador desde o seu estudio Donauta, coas facetas tamén de impresor e cineasta, levou o segundo premio na categoría de deseño e moda polo deseño do expositor de lentes para a firma coruñesa Pementa Eyewear. Concebiu o elemento como un espazo limpo que fixera salientar o produto. Así, transformou os tres puntos distintivos da marca nun obxecto tridimensional no que pousar as lentes. Na materialización do deseño empregáronse diferentes materiais e técnicas para acadar un resultado que estivera á altura do produto do cliente, combinando serigrafía, tampografía, verniz e demais procesos. Este expositor pode verse nas ópticas onde Pementa ten produto á venda.
Dicir tamén que Miguel obtivo outro segundo premio na categoría narrativa por Un sismógrafo.