Os estudios DARDO e Piedrapapeltijera premiados nos Anuaria 2021
Xa coñecemos os proxectos gañadores da XXVIII edición dos Premios Anuaria. Dous premios de ouro ao mellor deseño dunha publicación editorial e á mellor cuberta dun libro para DARDO, e catro proxectos máis seleccionados entre as 189 obras, dous de DARDO e dous de Piedrapapeltijera.
«Limen. Christian García Bello», de DARDO, estudio liderado por Conchi Mayo, acadou o Premio Anuaria ao mellor deseño unha publicación editorial e o Premio Anuaria á mellor cuberta dun libro. Limen é unha monografía que revisa a última década do traballo do artista Christian García Bello. O deseño da publicación logra trasladar a propia esencia do traballo do artista. A portada resólvese desde a rotundidade e a sutileza, presidida por una liña central estampada capaz de dialogar ca poética visual do artista como unha chiscadela ao interior sen desvelar o seu contido.
«Dalí. Litrografías de los excesos pantagruélicos» e «June Crespo. Helmets», ambos de DARDO, tamén foron proxectos seleccionados na categoría mellor deseño dunha publicación editorial.
Os dous proxectos con selección Anuaria do estudio Piedrapepeltijera, dirixido por Xóse García, son «Non nos xulgues» seleccionado na categoría mellor campaña de interese social, e «Aller Perfumes», seleccionado na categoría mellor tenda web.
Destacar tamén que María Agra, vicepresidenta da DAG, participou como xurado nesta edición, continuando coa colaboración que a asociación mantén coas entidades organizadoras dos premios desde hai anos.
Parabéns a todos!