Parabéns a Desoños e Nuria Carballo, Premios Paraugas 2025

Na categoría de Mellor produción gráfica, Anduriña presentou xunto co estudio Desoños, formado por Carlos Álvarez, Noelia Estévez e Susana González, o libro Unha árbore de historias, deseñado para a Biblioteca de Galicia (Xunta de Galicia). Unha publicación, con certa complexidade técnica, que serve de escolma da literatura infantil e xuvenil en lingua galega.  

Na categoría de Mellor solución de deseño, premiouse o traballo de marca realizado por UTE Contorna Besada, Failde BMJ Arquitectos e Nuria Carballo, para o Concello de Betanzos. Tanto a marca como a proposta de mobiliario urbano dialogan coa cidade e refozan o seu carácter, dotándoa dunha identidade máis definida.

O Paraugas de ouro foi para o Real Club Celta de Vigo; o Paraugas do público para Krack pola acción de branding dos Premios Feroz; o Paraugas Galicia Calidade para Tio Phill pola campaña realizada para Paco & Lola; o Premio anunciante do ano foi para Estrella Galicia; Imaxe-Proximia levou o Paraugas para a mellor idea creativa e tamén o á mellor campaña, con traballos realizados para Estrella Galicia. O Premio á mellor acción de branding recaeu no Real Club Celta de Vigo; Premio Paraugas á mellor estratexia global de comunicación para Atrevia e Grupo Lence; o Premio para á estratexia de comunicación máis eficaz foi para Recados Carmen e ESIC; o Mellor evento profesional ou corporativo para Ingenyus, Viratec & Aclima; o mellor evento cultural, gastronómico ou musical para Soundhood de Estrella Galicia; e, por último, o Premio Paraugas a novos talentos foi para alberto González pola dirección creativa e identidade visual de Xara Fest 2025. 

Parabéns a todas as persoas e empresas premiadas!