Tecido cru II, a exposición de ESDEMGA, viaxa a Compostela
O vindeiro xoves 16 de febreiro inaugúrase ás 20 h na igrexa da Universidade TECIDO CRU II. INSECTOS, CATEDRAIS, DOBRAS E TRENZAS. Exercicio e didáctica no deseño.
A mostra, comisariada polas profesoras e investigadoras do grupo DX7 da Universidade de Vigo Lola Dopico e Cristina Varela, reúne máis de trinta pezas creadas por alumnas de Esdemga, Estudos Superiores en Deseño Téxtil e Moda de Galicia, que teñen por obxectivo reflexionar sobre os principios construtivos do deseño.