Workshop Estratexias para a protección do deseño
A Consellería de Economía, Emprego e Industria, a través da Axencia Galega de innovación (GAIN), organiza o vindeiro 25 de outubro o workshop Estratexias para a protección do deseño.
O evento, que terá lugar no CIS Galicia (Ferrol), ten como principal obxectivo compartir coñecemento sobre un dos aspectos críticos para o sector do deseño en todas as súas vertentes (industrial, gráfico, de produto, organizacional, dixital e multimedia): a protección das súas creacións.
Os destinatarios do encontro son os deseñadores e as deseñadoras de todos os ámbitos, estudantes desta especialidade e representantes de empresas e outras entidades interesadas en coñecer as diferentes fórmulas de protección do valor dos intanxibles e dos procesos e as tecnoloxías asociadas a eles fronte a copias ou reclamacións por parte de terceiros.
A actividade inscríbese dentro do Programa de deseño para a innovación 2020 e é gratuíta. Nesta ocasión, a DAG estará representada polo seu socio Dani Bembibre, quen participará na xornada para achegar o punto de vista do deseñador nas problématicas de protección do deseño.