DAG participa da Asemblea Anual de READ en Granada
A pasada fin de semana, Uqui Permui e Laura Alonso, como representantes de DAG, acudiron á Asemblea Xeral de READ en Granada. Coma sempre, serviu para poñer en común o traballo realizado e para coñecer o ecosistema do deseño en Andalucía.
Alba Villaverde, nova socia estudante en DAG
Presentamos a Alba Villaverde Rocha, estudante de Deseño Gráfico na EASD Pablo Picasso que se une a DAG con ilusión e ganas de aportar desde outro punto de vista. Benvida Alba!
Caterina Varela únese á DAG
Presentamos a Caterina Varela, unha das recentes incorporacións á DAG, que traballa dentro do sector das artes vivas como deseñadora, artista e comisaria de proxectos. Aquí vos deixamos con ela. Benvida!
Dardo, Coma Comunicación, Agarimo e Desoños, premiados nos XXX Premios Anuaria
Dardo levou dous Ouros en diferentes categorías co catálogo realizado para o artista Markus Linnenbrink, ademais de tres Seleccións con outros proxectos. Coma comunicación levou unha Selección polo logotipo creado para o Tribunal Superior de Xustiza de Galicia, Desoños outra polo deseño da web AR\DE e Agarimo polo naming Zoireo.
Sétima itinerancia da exposición FSWD: Identidade e territorio
«From Spain With Design», o proxecto expositivo da Rede Española de Asociacións de Deseño chega a Madrid tras inaugurarse en Santiago de Compostela en 2021 e itinerar por Aveiro, Valencia, Murcia, Badaxoz e Asturias. Estará ubicada na Central do Deseño Matadero desde o 1 de febreiro ata o 17 de marzo.
Aberta a convocatoria dos Premios ADG Laus 2024
A 54ª edición dos premios ADG Laus de deseño gráfico e comunicación visual xa está en marcha. Estudantes e profesionais do sector poderán inscribir os seus mellores traballos nas diferentes categorías, e as asociadas a DAG contan cun 15% de desconto.
Bisiona, as Xornadas de Arte e Deseño organizadas pola EASD Pablo Picasso
A 7ª edición das Xornadas de Arte e Deseño que organiza a EASD Pablo Picasso da Coruña, terá lugar na propia escola os días 24, 25 e 26 de xaneiro. Este ano contan coa presenza dos compañeiros de Novagarda.
Premios Galicia Innovación e Deseño para Uqui Permui e Costa.io
Onte, 21 de decembro, celebrouse no Hotel Monumento San Francisco de Santiago de Compostela a gala de entrega dos IV Premios Galicia Innovación e Deseño que promove a Xunta de Galicia a través da Axencia Galega de Innovación, onde Uqui Permui levouse o premio na categoría Profesional e Costa.io na de Empresas.
Parga, as luminarias deseñadas por Cenlitros para a-emotional Light, reciben un Honoree nos premios Interior Design 2023
Os premios recoñecen a excelencia mundial en deseño de interiores, en arquitectura e na fabricación, e entre os centos de galardoados atopamos a colección de luminarias Parga, deseñada por Cenlitros para a-emotional light, que acadou un Honoree dentro da categoría de produto.
Uqui Permui, Latampack de Ouro 2023 para o envase de Sementares
A nosa socia Uqui Permui vén de recibir o Premio Latampack de Ouro ao mellor envase eco amigable por Sementares, proxecto que tamén obtivo unha Selección Clap no apartado de Branding & Packaging, ao mellor sistema de identidade corporativa.
Cenlitros, Marcos Dopico e Desoños gañadores dos Premios Paraugas 2023
O pasado 17 de novembro celebrouse no Teatro Jofre de Ferrol a gala de entrega dos VIII Premios Paraugas onde Xabier Rilo e Ricardo Tubío xunto con Marcos Dopico recibiron o premio ao mellor deseño gráfico; e os compañeiros de Desoños, Noelia Estévez, Carlos Álvarez e Susana González, gañaron o premio ao mellor deseño dixital pola web AR\DE.
Así foi a 7ª Edición do FEED celebrado en Santiago os días 3 e 4 de novembro
O pasado 3 e 4 de novembro a DAG citaba a profesionais, empresas e estudantes de deseño a participar dos talleres, das conferencias e das presentacións de proxectos que se ofreceron nesta 7ª edición do Foro FEED en Santiago de Compostela.